Тошкент, Ўзбекистон (UzDaily.uz) — Шу йилнинг 10 апрель куни Инвестициялар, саноат ва савдо вазири ўринбосари Акрам Алиевнинг ODDO BHF Group халқаро савдо департаменти ҳамраиси Зузана Франс билан учрашуви бўлиб ўтди.

Музокаралар Ўзбекистонда ҳамкорликни кенгайтириш ва қўшма инвестиция лойиҳаларини амалга ошириш истиқболларига бағишланди.

Ўзбекистон томони ишончли ҳамкорлар томонидан кредит ва инвестиция ресурсларини жалб қилиб амалга ошириш учун пухта ишлаб чиқилган 139 та инвестиция лойиҳасини тақдим этди.

ODDO BHFнинг ушбу ташаббусларда иштирок этиши мамлакатимизнинг иқтисодий ривожланиши ва молиявий барқарорликни мустаҳкамлашга катта ҳисса қўшиши мумкин.