ЎзТМК делегацияси MIT билан муҳандисларни замонавий технологиялар бўйича ўқитиш бўйича шартнома имзолади

Тошкент, Ўзбекистон (UzDaily.uz) — Тоғ-кон саноати ва геология вазирлиги “Ўзбекистон технологик металлар комбинати” АЖ делегацияси АҚШга хизмат сафари давомида сўнгги ўн йилликда глобал рейтингларда биринчи ўринни эгаллаб келаётган Массачусетс технологиялар институти (Massachusetts Institute of Technology, MIT)да бўлди.

ЎзТМК делегацияси University of Business and Science (Ўзбекистон) билан ҳамкорликда МIТ вице-президенти, профессор Димитрис Бертсимас билан учрашди. Учрашувда замонавий технологияларни ўқитиш бўйича ҳамкорлик шартномаси имзоланди.

Шартномага кўра, илк босқичда комбинатнинг 100 нафар муҳандис ходими МИТнинг илғор таълим платформасида ўқитилади.