«Ўзбектелеком» ва “Ribbon Communications” компаниялари киберхавфсизликни кучайтириш ҳамда анти-споофинг тизимини жорий этиш бўйича ҳамкорлик меморандумини имзоладилар

Тошкент, Ўзбекистон (UzDaily.uz) — АҚШга амалга оширилаётган хизмат сафари доирасида Рақамли технологиялар вазири Шерзод Шерматов “Ribbon Communications” компанияси Президенти ва Бош ижрочи директори Брюс МакКлелланд, шунингдек, компаниянинг Шарқий Европа ва Марказий Осиё бўйича Президенти Леон Тйлевич билан учрашув ўтказди.

Учрашувда томонлар телекоммуникация соҳасидаги ҳамкорликни ривожлантириш ва киберхавфсизликни таъминлашга қаратилган ўзаро англашув меморандумини имзоладилар.

Имзоланган ҳужжат доирасида «Ўзбектелеком» тармоқларида анти-споофинг тизимини жорий этиш, шунингдек, илғор киберхавфсизлик ечимларини ишлаб чиқиш ва татбиқ этиш бўйича кейинги амалий қадамлар белгиланди.

Ribbon Communications — бу илғор телекоммуникация ва булутли ечимлар тақдим этувчи халқаро компания бўлиб, овоз, маълумот ва хавфсиз алоқа инфратузилмалари учун инновацион технологиялар яратади ҳамда дунё бўйлаб операторлар ва йирик корхоналарга хизмат кўрсатади.