Ўзбекистонлик курашчи Загребдаги халқаро турнирда олтин медални қўлга киритди

Тошкент, Ўзбекистон (UzDaily.uz) — Шу кунларда Хорватия пойтахтида юнон-рум кураши бўйича Zagreb Open халқаро турнири бўлиб ўтмоқда.

Унда қатнашаётган Ўзбекистон терма жамоаси мусобақанинг биринчи кунида олтин медалга сазовор бўлди.

Ушбу медални иқтидорли полвонимиз Айтжан Халмаханов келтирди. -67 кг вазн тоифасида курашган полвонимиз барча рақибларини мағлуб этиб, «классик» курашчиларимизнинг жорий йилдаги илк медалига муаллифлик қилди.