Ўзбекистонда 100 та хонадонга 359 та телефон тўғри келмоқда

Тошкент, Ўзбекистон (UzDaily.uz) — Миллий статистика қўмитаси томонидан ўтказилган уй хўжаликларининг намунавий сўровларига кўра, 2025 йилда Ўзбекистонда 100 та хонадонга тўғри келадиган ўртача мобил телефонлар сони 359 тани ташкил этган.

Кўрсаткич сўнгги йилларда барқарор ўсишни намоён этмоқда. 2010 йилда бу кўрсаткич 100 та хонадонга 145 та телефонни ташкил этган бўлса, 2015 йилда — 234 та, 2020 йилда — 287 та, 2025 йилга келиб эса 359 тага етган.