Тошкент, Ўзбекистон (UzDaily.uz) — 2025 йил 18 август куни инвестициялар, саноат ва савдо вазири ўринбосари Илзат Касимов Хитой Халқ Республикаси Хунан провинцияси губернатори ўринбосари Ван Тсзюншоу бошчилигидаги делегация билан учрашув ўтказди.

Томонлар саноат кооперацияси, транспорт ва логистика, рақамли иқтисодиёт, қишлоқ хўжалиги ҳамда туризм соҳаларида ҳамкорликни кенгайтиришга тайёрлик билдирдилар.

Учрашувда, шунингдек, Ўзбекистон ҳудудида замонавий технопарк ташкил этиш имкониятлари муҳокама қилинди. Мазкур ташаббус икки томонлама алоқаларни янги босқичга олиб чиқиш ва инвестициялар соҳасида ҳамкорликни ривожлантириш учун муҳим шарт-шароитлар яратади.