Ўзбекистон ва Қозоғистон саноат ва қишлоқ хўжалигида икки томонлама ҳамкорликни кенгайтириш масалаларини муҳокама қилди

Тошкент, Ўзбекистон (UzDaily.uz) — Ўзбекистон Республикаси Инвестициялар, саноат ва савдо вазирлигида вазир ўринбосари Хуррам Тешабаев Қозоғистон Республикаси Савдо ва интеграция вазири ўринбосари Айдар Абилдабеков билан учрашди.

Музокаралар давомида икки томонлама ҳамкорликни кенгайтиришнинг долзарб масалалари муҳокама қилинди.

Хусусан, электротехника ва тўқимачилик саноати, машинасозлик, инфратузилма қурилиши, фармацевтика ва агро-саноат комплекси соҳаларидаги лойиҳалар кўриб чиқилди. Таъкидланганидек, жорий йилнинг январь-август ойларида икки давлат ўртасидаги савдо айланмаси 15% га ошиб, $3 mlrd.dan ошди.

Томонлар амалдаги келишувларнинг, жумладан, икки мамлакат ўртасидаги савдо ҳажмини 10 миллиард долларгача ошириш вазифаларининг ижросини муҳокама қилдилар.

Шунингдек, бўлажак Ҳукуматлараро комиссия йиғилишига тайёргарлик масалаларига алоҳида эътибор қаратилди.