Ўзбекистон миллий терма жамоаси ҳимоячиси Ҳусниддин Аликулов Италияда муваффақиятли операция қилинди

Тошкент, Ўзбекистон (UzDaily.uz) — Ўзбекистон миллий терма жамоаси ҳимоячиси Ҳусниддин Аликулов Италияда муваффақиятли равишда операцияни бошдан кечирди. Бу ҳақда Ўзбекистон футбол ассоциацияси хабар берди.

Футболчи Рим шаҳридаги Villa Stuart клиникасида таниқли жарроҳ Пьер Паоло Мариани томонидан операция қилинди. Айни пайтда Аликулов ўзини яхши ҳис қилмоқда ва реабилитация даврига тайёргарлик кўрмоқда.

Ҳусниддин жароҳатни 19 январь куни Туркия чемпионати доирасида «Ризеспор» клуби сафида «Гёзтепе»га қарши ўтказилган учрашувда олган.

Тиббий текширув натижалари тизза бўғими олдинги хoчсимон боғламаси ва менискус ёрилгани, шунингдек атроф тўқималар шикастланганини аниқлади.

Жароҳатнинг жиддийлиги сабабли Аликуловнинг футбол бўйича жаҳон чемпионатида иштирок этиши ҳозирча савол остида қолмоқда.