Тошкент, Ўзбекистон (UzDaily.uz) — Ўзбекистон Жаҳон савдо ташкилоти (ЖСТ)га аъзо бўлиш жараёни доирасида Швейцария Ҳукумати билан музокараларни муваффақиятли якунлади. Бу ҳақда Ўзбекистон Республикаси Президентининг ЖСТ масалалари бўйича махсус вакили Азизбек Урунов маълум қилди.

«Бугун, 2025 йил 21 июль куни, Женева шаҳрида Ўзбекистоннинг Жаҳон савдо ташкилотига аъзо бўлиш жараёни доирасида Швейцария билан бозорга кириш бўйича икки томонлама музокараларни якунлаш тўғрисидаги Протоколни имзоладик. Шу билан, музокаралар якунланган мамлакатлар рўйхатига яна бир ЖСТ аъзоси қўшилди», — деди у.

Азизбек Уруновнинг сўзларига кўра, айни пайтда музокаралар олиб борилаётган фақатгина бир нечта давлат қолган, қолганлари билан иш якунланган.

Ҳозирга қадар Ўзбекистон 25 та давлат билан музокараларни тўлиқ якунлаган.