Тошкент, Ўзбекистон (UzDaily.uz) — Ўзбекистон Президенти Шавкат Мирзиёев мамлакат «яқин ойларда» Европа Иттифоқи билан кенгайтирилган шериклик ва ҳамкорлик тўғрисидаги Битимни имзолашни режалаштираётганини маълум қилди. Ушбу баёнотни у «Ўзбекистон, Озарбайжон ва Европа — умумий тараққиёт йўлидаги ҳамкорлик» юқори даражадаги учрашуви иштирокчиларига йўллаган мурожаатида билдирди.

Президентнинг таъкидлашича, Озарбайжон Марказий Осиё ва Европани боғлаб турувчи стратегик кўприк сифатида муҳим ўрин тутмоқда.

У, шунингдек, Ўзбекистоннинг Европа билан муносабатлари «ривожланишнинг мутлақо янги босқичига чиққанини» алоҳида қайд этди.

«Европа Иттифоқи ва бошқа шерикларимиз билан биргаликда самарали транспорт-логистика ва энергетика коридорларини ривожлантириш бўйича изчил ишларимизни давом эттирамиз. Ишончим комилки, бу чоралар минтақаимизни Ғарб ва Шарқ ўртасидаги муҳим хаб сифатида қайта тиклашга хизмат қилади», — деди Шавкат Мирзиёев.