Тошкент, Ўзбекистон (UzDaily.uz) — Ўзбекистон Бош вазири Абдулла Арипов Қирғизистоннинг дурдонаси ҳисобланган Иссиқкўлдан ҳайратланганини билдириб, яқин келажакда у бутун дунёдан сайёҳларни ўзига жалб этувчи халқаро туризм марказига айланишини таъкидлади.

Евроосиё ҳукуматлараро кенгаши йиғилишида иштирок этиш доирасида у манзарали Иссиқкўл кўлида бўлди.

Расмий шахслар учун кам учрайдиган эҳтиросли чиқишида Бош вазир давлат арбоби сифатида эмас, балки Иссиқкўлнинг гўзаллиги ва муҳитига чин дилдан таъсирланган инсон сифатида гапирди.

Унинг таъкидлашича, бу ерга илк бор боришига атиги тўрт йил бўлган ва шу вақт мобайнида курортнинг қандай ривожланиб, гуллаб-яшнаганини кузатган: қурилишлар жадал олиб борилмоқда, объектлар янгиланмоқда, янги имкониятлар яратилмоқда ва буларнинг барчаси чин кўнгилдан, расмиятчиликка берилмай амалга оширилмоқда.

Арипов Иссиқкўлни табиатнинг ҳақиқий инъоми сифатида баҳолашини қайд этди.

Унинг ишончича, курорт яқин вақтда жаҳон даражасидаги марказга айланади. Бунинг учун барча зарур шарт-шароитлар мавжуд: мусаффо кўл, тоғлар, тоза ҳаво ва энг асосийси — бу минтақага хос, самимий ва бетакрор меҳмондўстлик.