Тошкент, Ўзбекистон (UzDaily.uz) — 2025 йил 6 январь куни маҳаллий вақт билан соат 20:25 да (Гринвич вақти билан 15:25) Ўзбекистон Республикаси ҳудудида зилзила қайд этилди.

Зилзиланинг эпицентри Навоий вилоятининг Тoмди туманида жойлашган.

Фавқулодда вазиятлар вазирлигининг Республика сейсмопрогноз мониторинги маркази маълумотларига кўра, эпицентр координаталари 41,92° шимолий кенглик ва 65,08° шарқий узунликни ташкил этган.

Зилзиланинг магнитудаси 3,6 балл бўлиб, ўчоғи 10 км чуқурликда бўлган.

Эпицентрдан Ўзбекистон пойтахти Тошкентгача бўлган масофа 352 км ни ташкил этади (шимолий ғарб йўналишида).

Ҳозирги вақтгача жабрланувчилар ёки вайронагарчиликлар ҳақида маълумот келиб тушмаган.