«Навбаҳор» футбол академияси бошқаруви нидерландиялик «Аякс»га топширилди

Тошкент, Ўзбекистон (UzDaily.uz) — Ўзбекистон Президенти Шавкат Мирзиёев «Навбаҳор» футбол академиясини машҳур нидерландиялик «Аякс» академияси бошқарувига топшириш бўйича келишувга эришилганини маълум қилди.

Давлат раҳбари келишув уч йилга мўлжалланганини таъкидлади. Наманганга «Аякс»дан 11 нафар мутахассис — мураббийлар, скаутлар ва методистлар келиб, ёш футболчилар билан ишлайди ва замонавий тайёргарлик усулларини жорий этади.

Мирзиёев келажакда академия битирувчилари жаҳоннинг етакчи клубларида тўп суришларига ва жаҳон чемпионатларида муносиб иштирок этишларига ишонч билдирди.