Мирзиёев фавқулодда араб-ислом саммитида можароларни тинч йўл билан ҳал қилишга чақирди

Тошкент, Ўзбекистон (UzDaily.uz) — Доҳа шаҳрида Ўзбекистон Президенти Шавкат Мирзиёев Жаноби Олийларининг Фавқулодда араб-ислом саммити иштирокчиларига йўллаган мурожаатини ўқиб эшиттирилди. Бу ҳақда Ўзбекистон ташқи ишлар вазири Бахтиёр Саидов маълум қилди.

Давлат раҳбари ўз баёнотида Ўзбекистоннинг қардош Қатар халқи ва барча мусулмон мамлакатлари билан қатъий бирдамлигини билдириб, Яқин Шарқда тинчлик ва хавфсизликка таҳдид солаётган сўнгги ҳарбий ҳаракатларни кескин қоралади.

"Ўзбекистон изчиллик билан барча низоларни тинч йўл билан ҳал этиш тарафдори бўлиб, минтақа барқарорлигига путур етказувчи ҳар қандай хатти-ҳаракатларни кескин қоралайди. Халқаро ҳамжамият зўравонликларни тўхтатиш ва бундан буён авж олишига йўл қўймаслик учун шошилинч чоралар кўриши керак", - деди Президент.

Мурожаатда, шунингдек, мамлакат жабрланганларга инсонпарварлик ёрдами кўрсатишга тайёрлиги, шунингдек, Фаластин халқининг БМТ резолюцияларига мувофиқ мустақил давлат қуриш бўйича қонуний ҳуқуқини ҳурмат қилиш зарурлиги қайд этилган.

Саммит минтақада тинчлик ва барқарорликни таъминлаш мақсадида бирликни намойиш этиш ва самарали қўшма қарорлар ишлаб чиқиш учун муҳим платформа вазифасини ўтайди.