Мирмуҳаммад Мирҳамидов Тошкент шаҳар ҳокимининг комплаенс ва коррупцияга қарши кураш бўйича ўринбосари этиб тайинланди

Тошкент, Ўзбекистон (UzDaily.uz) — Мирмуҳаммад Мирҳамидов Тошкент шаҳар ҳокимининг комплаенс ҳамда коррупцияга қарши кураш соҳасида ички назорат масалалари бўйича ўринбосари этиб тайинланди.

Мирҳамидов 1982 йилда Тошкент шаҳрида туғилган. Олий юридик маълумотга эга бўлиб, Ўзбекистон Миллий университети ҳамда Тошкент давлат юридик институтини тамомлаган. Адлия катта маслаҳатчиси.

М. Мирхамидов 2006-йилдан бошлаб прокуратура тизими органларида турли лавозимларда фаолият юритган.

2023-йилдан бугунги кунгача Ўзбекистон Республикаси Бош прокуратураси суд ҳужжатлари ва бошқа органлар ҳужжатларини ижро этишда қонунийлик ижроси устидан назорат бошқармаси бошлиғи ўринбосари лавозимида ишлаб келган.