Марказий банк Imkon Finans'га қўйилган чекловларни бекор қилди

Тошкент, Ўзбекистон (UzDaily.uz) — Ўзбекистон Марказий банки 2025 йил август ойида Imkon Finans микромолия ташкилотига қўйилган чекловларни бекор қилди.

Эслатиб ўтамиз, регулятор компаниянинг бизнес жараёнлари ва ички назорат тизимидаги аниқланган камчиликлар туфайли унинг кредитлаш, лизинг, гаров ва факторинг фаолиятини вақтинча чеклади.

Шу билан бирга, компания облигация эгалари олдидаги мажбуриятларини бажаришда давом этди: купон тўловлари ўз вақтида амалга оширилган, муддатидан олдин сотиб олиш учун мурожаат қилган инвесторларнинг облигациялари эса тўлиқ қийматида қайтарилган.

Мазкур даврда компаниянинг молиявий натижалари босим остида қолди. 9 ой якунига кўра, “Imkon Finans“ 7,5 млрд сўмлик зарар қайд этди — бу эса йилнинг I ярмида олинган 1,4 млрд сўмлик соф фойдадан кескин фарқ қилади.

Imkon Finans чекловлар даврида ички жараёнларини қайта кўриб чиққани, назорат механизмларини кучайтиргани ва асосий операцион тартибларни янгилагани ҳақида хабар берди. Ўзгаришларни кўриб чиққандан сўнг, Марказий банк чекловларни бекор қилишга қарор қилди.

Ташкилотнинг эълон қилишича, Imkon Finans бугун расман тўлиқ фаолиятини қайта тиклайди.