Маҳмуд Истамов адлия вазирининг биринчи ўринбосари этиб қайта тайинланди

Тошкент, Ўзбекистон (UzDaily.uz) — Ўзбекистон Адлия вазирлигида кадрлар ўзгариши рўй берди. Адлия вазирининг биринчи ўринбосари лавозимига қайтадан Маҳмуд Истамов тайинланди. У 2017–2019 йилларда ҳам шу лавозимда ишлаган ва яқин вақтга қадар вазир ўринбосари сифатида фаолият юритган.

Истамов ўз меҳнат фаолияти давомида бир қатор давлат ташкилотларида раҳбарлик лавозимларида ишлаган: Олий Мажлис Қонунчилик палатаси Аппаратини бошқарган, Бухоро вилояти прокуратурасини раҳбарлик қилган, шунингдек Марказий сайлов комиссияси раиси ўринбосари сифатида фаолият юритган.

Адлия вазири ўринбосари лавозимига Миржалол Аллақулаев тайинланди. У 2022 йилдан бери Адлия вазирлиги Қонунчилик департаментига раҳбарлик қилиб келарди ва ундан аввал вазирлик тизимида турли лавозимларни эгаллаган.

Авал адлия вазири ўринбосари лавозимини эгаллаб келган Шерзод Рабиев янги лавозимга ўтказилиб, Тошкент давлат юридик университети ректори этиб тайинланди.