Корея университети делегацияси Ўзбекистанда бўлиб турибди

Делегацияга Корея университети «Жамоат саломатлиги, экология ва атроф-муҳитни муҳофаза қилиш» кафедраси мудири, профессор Жай Вуч Чой раҳбарик қилмоқда.

24 май куни Корея университети делегацияси Олий ва ўрта махсус таълим вазирлигига ташриф буюришди.

Делегацияни Олий ва ўрта махсус таълим вазири ўринбосари Ботир Усмонов қабул қилди. Мазкур учрашувда шунингдек, Тошкент тиббиёт академияси вакиллари ҳам иштирок этишди.

Учрашув давомида томонлар ўзаро ҳамкорликни ривожлантириш масалаларини муҳокама қилишди.