Жиззах вилоятида Matiz ва юк машинаси тўқнашуви натижасида уч киши ҳалок бўлди

Тошкент, Ўзбекистон (UzDaily.uz) — Жиззах вилоятида йирик йўл-транспорт ҳодисаси оқибатида уч киши вафот этди.

Бахтсиз ҳодиса 23 ноябрь куни юз берган, у ҳолда Matiz енгил автомобили қарши йўналишга чиқиб, ЗИЛ-130 юк машинаси билан тўқнашган.

Вилоят Йўл ҳаракати хавфсизлиги бошқармаси маълумотларига кўра, ҳодиса тахминан соат 08:10 да Жиззах-Ғаллаорол автомобиль йўлининг 34 км.да рўй берган. Тўқнашувга Матиз ҳайдовчисининг қувиб ўтиш пайтида қарама-қарши йўналишга чиқиб кетиши сабаб бўлган.

Йўл-транспорт ҳодисаси қурбонлари 27 ёшли Matiz ҳайдовчиси ва автомашинада бўлган 2 нафар йўловчилар олган тан жароҳатлари билан воқеа жойида ҳалок бўлган.

Ҳозирда, мазкур ҳолат юзасидан Жиззах шаҳар Ички ишлар бошқармасининг Тергов бўлими томонидан жиноят кодексининг 266 моддаси учинчи қисми “а” банди билан жиноят иши қўзғатилиб, тергов ҳаракатлари олиб борилмоқда.