Жаҳонгир Зокиров бокс бўйича жаҳон чемпионатида супероғир вазн тоифасида кумуш медални қўлга киритди

Тошкент, Ўзбекистон (UzDaily.uz) — Ливерпулда ўтаётган бокс бўйича жаҳон чемпионатида Ўзбекистон вакили Жаҳонгир Зокиров 90 кг дан юқори вазн тоифасида кумуш медални қўлга киритди. Финалда у Қозоғистон спортчиси Ойбек Оралбайга мағлуб бўлди.

Биринчи раунд Зокиров устунлигида якунланди — ҳакамлар унга 3:2 ҳисобида афзаллик беришди. Иккинчи раундда ҳам ўзбек бокчиси 4:1 ҳисобида ғалаба қозонди. Бироқ ҳал қилувчи, учинчи раундда ташаббус Оралбай томонига ўтди. Зокировнинг қаршилик кўрсатишига қарамай, ҳакамлар ғалабани қозоғистонлик спортчига беришди ва у жаҳон чемпиони бўлди. Зокиров иккинчи ўринни эгаллади.

Турнир якунларига кўра, Ўзбекистон терма жамоаси жами 11 та медал қўлга киритди: олтита олтин, иккита кумуш ва учта бронза.

Жамоавий ҳисобда Ўзбекистон медаллар сони бўйича етакчи бўлди ва медаллар сифати бўйича иккинчи ўринни эгаллади.