ИССВ ва Хитойнинг Dongfang Electric ва Sinosure компаниялари энергетика лойиҳаларини ишлаб чиқишга келишиб олдилар
Тошкент, Ўзбекистон (UzDaily.uz) — Ўзбекистон Республикаси Инвестициялар, саноат ва савдо вазирлигида вазир ўринбосари Илзат Касимов Хитойнинг “Dongfang Electric International Corporation” ва “Sinosure” компаниялари вакиллари билан учрашди.
Музокаралар давомида томонлар Ўзбекистонда қайта тикланувчи энергетика, инвестиция лойиҳаларини молиялаштириш ва суғурталаш соҳаларида ҳамкорлик истиқболларини муҳокама қилдилар.
“Dongfang Electric International Corporation” Хитойнинг энг йирик корпорацияларидан бири бўлиб, тўлиқ ишлаб чиқариш циклига эга энергетика объектларини лойиҳалаш ва қуришга ихтисослашган.
Учрашув якунида молиявий-техник ҳамкорликни мустаҳкамлаш ҳамда янги электр узатиш тармоқларини қуриш соҳасидаги ўзаро ҳамкорликни ривожлантириш бўйича келишувга эришилди.