Исроилда ракета ҳужуми оқибатида ўзбекистонлик ҳалок бўлди

Тошкент, Ўзбекистон (UzDaily.uz) — Ўзбекистон Республикасининг Исроилдаги элчихонаси 2026 йил 9 март куни Еҳуд шаҳридаги қурилиш майдонида содир этилган ракета ҳужуми оқибатида Ўзбекистонда туғилган Рустам Гуломов ҳалок бўлганини тасдиқлади.

Дипломатик ваколатхона маълумотига кўра, марҳум 62 ёшда бўлган. Рустам Гуломов Ўзбекистонда туғилиб ўсган, бироқ 2017 йилда Ўзбекистон фуқаролигидан воз кечган ва сўнгги 14 йил давомида Исроилда яшаб келган. У шу мамлакат фуқаролигини ҳам олган.

Элчихона марҳумнинг оиласи ва яқинларига чуқур ҳамдардлик билдирди. 11 март ҳолатига кўра, Ўзбекистон фуқаролари орасида жабрланганлар ҳақида хабарлар келиб тушмаган.

Минтақада давом этаётган кескинлик муносабати билан элчихона Исроилда вақтинча ишлаётган ёки доимий яшаб келаётган барча Ўзбекистон фуқароларига мурожаат қилиб, ҳаёт ва соғлиқни муҳофаза қилиш мақсадида хавф сигналлари ва хавфсизлик қоидаларига қатъий риоя қилишга чақирди.