Иордания ТИВ раҳбари Ўзбекистон президенти маслаҳатчиси билан икки томонлама алоқаларни мустаҳкамлаш масалаларини муҳокама қилди

Тошкент, Ўзбекистон (UzDaily.uz) — Иордания вице-премьери, ташқи ишлар ва муҳожирлар ишлари бўйича вазири Айман Сафадий сешанба куни Ўзбекистон Республикаси Президентининг стратегик ривожланиш масалалари бўйича маслаҳатчиси Сардор Умурзаковни қабул қилди. Бу ҳақда Jordan News Agency хабар берди.

Учрашувда томонлар Иордания қироли Абдулла IIнинг ўтган ой Ўзбекистонга қилган ташрифи ва Президент Шавкат Мирзиёев билан бўлиб ўтган музокаралар чоғида эришилган келишувларни амалга ошириш ҳамда икки томонлама муносабатларни мустаҳкамлаш йўлларини муҳокама қилдилар.

Суҳбатдошлар Иордания ва Ўзбекистон ўртасидаги дўстона алоқаларнинг мустаҳкам асосга эгалигини тасдиқлаб, савдо, инвестиция, маданият, қишлоқ хўжалиги ва бошқа йўналишларда ҳамкорликни кенгайтиришга интилишларини билдирди.