Икрам Ибрагимов “Ҳамкорбанк“ улушини 62%гача оширди

Тошкент, Ўзбекистон (UzDaily.uz) — 2026 йил 24 март куни Nego ихтисослаштирилган биржа майдончасида “Ҳамкорбанк“нинг оддий акциялари билан иккита йирик битим тузилди.

Битимлар доирасида банкнинг 3,46 млрд дона оддий акциялари сотилди, бу унинг устав капиталининг 2,7%ини ташкил этади. Бир акция нархи 54,62 сўмни ташкил қилди, битимларнинг умумий ҳажми эса 189,0 млрд сўмни ташкил этди.

Харидор сифатида “Ҳамкорбанк“ Кузатув кенгаши аъзоси Икрам Ибрагимов иштирок этди.

Битимлардан олдин у банкнинг оддий акцияларининг 59,21%ига эгалик қилган бўлса, битимлардан сўнг бу кўрсаткич 61,88%ни ташкил этди.