Тошкент, Ўзбекистон (UzDaily.uz) — Тошкент шаҳрида «Миллий банклараро процессинг маркази» АЖ (“МБПМ”АЖ)нинг «MARKAZIY OSIYO FINTEX ASSOTSIATSIYASI»га аъзо бўлишига оид келишув имзоланди.

Битимни уюшма раиси Отабек Насиров ва МБПМ АЖ бошқаруви раиси вазифасини бажарувчи Мақсаджон Мухитдинов имзолашди.

Ушбу ҳужжатга асосан компаниянинг Ассоциация ишида фаол иштирок этишини, жумладан, қўшма лойиҳаларни амалга ошириш, билим алмашиш, рақамли ечимларни ишлаб чиқиш ва минтақада финтеч инфратузилмаси интеграциясини рағбатлантиришни назарда тутади.