Гаяне Умерова Art Basel Qatar 2026 кўргазмасининг очилиш маросимида иштирок этди

Тошкент, Ўзбекистон (UzDaily.uz) — Доҳада Ўзбекистон Маданият ва санъатни ривожлантириш жамғармаси раиси Гаяне Умерова “Art Basel Qatar 2026” — “Art Basel”нинг илк жаҳон кўргазмасининг очилишида иштирок этди.

84 та бадиий лойиҳалар тақдим этилган 31 мамлакат ва ҳудуддан келтирилган 87 та галереяни бирлаштирган ушбу кўргазмада замонавий санъатнинг кенг кўламли овозлари намойиш этилди.

Тадбир Доҳанинг М7 ва кенгроқ “Msheireb Downtown” ҳудудида “Becoming” номли консептуал ғоя остида бўлиб ўтди.

Қатар музейлари раиси шайх Ол Маясса бинт Ҳамад бин Халифа Ол Сонийнинг стратегик қарашлари шарофати билан Қатар доимий равишда Форс кўрфази минтақасининг халқаро маданий марказ сифатида тобора қарор топиб бормоқда.

“Art Basel Qatar” замонавий санъат ва шаҳар муҳити ўртасидаги узлуксиз мулоқотни рағбатлантирувчи, муайян макон учун махсус яратилган муаллифлик тақдимотлари ва асарлари атрофида қурулган экспозициянинг янги моделини санъат ихлосмандлари эътиборига ҳавола этади.