Тошкент, Ўзбекистон (UzDaily.uz) — “Fitch“ халқаро рейтинг агентлиги 2025 йилда жаҳон иқтисодиёти ўсиш прогнозини декабрь ойида кутилган 2,6% дан 2,3% гача пасайтирди. 2026 йилда глобал ЯИМ ўсиши 2,2% ни ташкил қилиши мумкин, дейилади агентлик хабарида.

АҚШ иқтисодиёти жорий йилда аввал прогноз қилинган 2,1% ўрнига 1,7% га ўсади, 2026 йилда эса олдин тахмин қилинган 1,7% ўрнига 1,5% га ошиши кутилмоқда, дея таъкидлайди таҳлилчилар.

“Янги АҚШ ҳукумати глобал савдо урушини бошлади, бу эса жаҳон ва Америка иқтисодиётининг ўсишини секинлаштиради, АҚШдаги инфляцияни оширади ҳамда Федерал резерв тизими (FZT) фоиз ставкаларини пасайтириш суръатларини сустлаштиради“, — дейилади пресс-релизда.

Шу сабабли “Fitch“ прогнозига кўра, FZT кейинги ставка пасайишини 2025 йилнинг IV чорагигача кечиктиради. 2026 йилда эса иқтисодий ўсишнинг секинлашиши сабабли FZT ставкани уч марта пасайтириши мумкин.