Тошкент, Ўзбекистон (UzDaily.uz) — Фармацевтика тармоғини ривожлантириш агентлиги директори Абдулла Азизов ва Хитой Халқ Республикасининг Ўзбекистондаги Фавқулодда ва Мухтор Элчиси Юй Цзюнь билан учрашув бўлиб ўтди. Томонлар фармацевтика соҳасидаги ҳамкорликнинг бугунги ҳолати ва истиқболлари юзасидан фикр алмашдилар.

Суҳбат чоғида Хитой томони икки давлат ўртасидаги муносабатларнинг стратегик хусусиятини таъкидлаб, илмий-тадқиқот соҳасида, фаол фармацевтик субстанциялар (АПИ) ишлаб чиқариш, анъанавий дори воситаларини яратиш, шунингдек, бизнес ва ассоциациялар вакилларининг ўзаро ташрифларини ташкил этишда ҳамкорликни фаоллаштиришдан манфаатдорлигини билдирди.

Агентлик директори ўз навбатида, "Tashkent Pharma Park” инновацион илмий-ишлаб чиқариш фармацевтика кластери лойиҳасининг имкониятлари, жумладан, эркин иқтисодий зоналар режими, солиқ ва божхона имтиёзлари, шунингдек, маҳсулотларни рўйхатдан ўтказиш, МДҲ ва Европа Иттифоқи бозорларига чиқиш бўйича давлат томонидан қўллаб-қувватлаш чоралари ҳақида батафсил маълумот берди.

омонлар Хитой фармацевтика компаниялари ва Ўзбекистон фармацевтика кластери ўртасидаги мулоқотни давом эттириш, ахборот алмашиш ва потенциал ҳамкорлик йўналишларини ишлаб чиқишга келишиб олдилар.