Элдор Шомуродов ва Хожимат Эркинов Ўзбекистонга Қувейт устидан ғалаба келтирди

Тошкент, Ўзбекистон (UzDaily.uz) — Фабио Каннаваро Ўзбекистон терма жамоаси бош мураббийи сифатида илк ғалабасини қўлга киритди.

9 октябрь куни Тошкентда миллий жамоа Қувейт терма жамоасига қарши ўртоқлик учрашувини ўтказди ва 2:0 ҳисобида ғалаба қозонди. Ҳисоб 10-дақиқада Элдор Шомуродов томонидан очилди — ҳимоячидан узоқ узатмани қабул қилиб, дарвозабон билан яккама-якка чиқиб, ишончли тарзда гол урди.

Орадан саккиз дақиқа ўтиб, Хожимат Эркинов жарима майдончаси чизиғи яқинида жойлашган ҳолда чап бурчакка кучли зарба йўллаб, ҳисобни 2:0 қилди.

Бу ғалаба Каннаваро учун муваффақиятли дебют бўлиб, терма жамоанинг келгусидаги халқаро учрашувлар олдидан юқори салоҳиятини намоён этди.