O‘zbekiston TIV rahbari rasmiy tashrif bilan Gruziyaga boradi

Toshkent, O‘zbekiston (UzDaily.uz) — O‘zbekiston Respublikasi tashqi ishlar vaziri Baxtiyor Saidov boshchiligidagi delegatsiya 8–9 iyul kunlari rasmiy tashrif bilan Gruziya poytaxti Tbilisi shahriga boradi.

Tashrif dasturi doirasida Gruziya rahbariyati bilan ikki tomonlama muzokaralar o‘tkazilishi, jumladan, parlament raisi, tashqi ishlar vaziri va qator boshqa davlat hamda jamoatchilik institutlari vakillari bilan uchrashuvlar bo‘lib o‘tishi rejalashtirilgan.