Энг сўнгги янгиликлардан хабардор бўлинг
Телеграм каналимизга обуна бўлинг
Юк кўтариш қурилмаларини техник кўрикдан ўтказиш тартиби белгиланди
Юк кўтариш қурилмаларини техник кўрикдан ўтказиш тартиби белгиланди
Тошкент, Ўзбекистон (UzDaily.uz) — Ҳукумат қарори билан “Юк кўтариш қурилмаларини техник кўрикдан ўтказиш тартиби тўғрисида”ги низом тасдиқланди.
Ушбу Низом юк кўтариш қурилмаларини техник кўрикдан ўтказиш тартибини белгилайди.
Вазирлар Маҳкамаси ҳузуридаги Саноат, радиация ва ядро хавфсизлиги қўмитаси мазкур соҳада ваколатли давлат органи этиб белгиланди.
Низомга кўра, янги ўрнатилган, модернизация (реконструкция) қилинган ёки мукаммал таъмирланган юк кўтариш қурилмалари фойдаланишга топширилгунга қадар тўлиқ техник кўрикдан ўтказилиши шарт.
Фойдаланишда бўлган юк кўтариш қурилмалари 1 йилда камида 1 марта қисман техник кўрикдан ва 3 йилда 1 марта тўлиқ техник кўрикдан ўтказилиши керак.
Юк кўтариш қурилмаларининг техник кўриги мулкдорнинг ёзма ёки электрон тарздаги мурожаатига асосан, ихтисослашган ташкилот томонидан ўтказилади.
Юк кўтариш қурилмалари дастлабки, даврий ва навбатдан ташқари техник кўрикдан ўтказилади.
Tехник кўриклар мулкдорнинг ёзма ёки электрон тарздаги мурожаати асосида ихтисослашган ташкилот томонидан мулкдор билан тузилган шартномага мувофиқ ўтказилади.
СЎНГГИ ЯНГИЛИКЛАР