Январда 244 мингдан ортиқ тожикистонлик турист келди

Тошкент, Ўзбекистон (UzDaily.uz) — 2026 йил январь ойида Ўзбекистонга туристик мақсадларда жами 244,4 минг нафар Тожикистон фуқароси ташриф буюрди. Бу ҳақда Миллий статистика қўмитаси маълумотларида келтирилган.

Ўтган йилнинг шу даврига нисбатан бу кўрсаткич 43,4 минг нафарга ёки 21,6 фоизга ошган.

Статистикага кўра, Тожикистон фуқароларининг аксарияти Ўзбекистонга қариндошларини кўриш мақсадида келган. Шу мақсадда мамлакатга 208,5 минг нафар ташриф буюрган.

Яна 13,3 минг нафар фуқаро саёҳат мақсадида мамлакатга келган. Хизмат сафари билан 17,4 минг нафар ташриф буюрган.

Бундан ташқари, 3,8 минг нафар Тожикистон фуқароси даволаниш мақсадида Ўзбекистонга келган, 809 нафар тижорат мақсадида ташриф буюрган, 483 нафар эса таълим олиш учун мамлакатга келган.