Январда 1,1 мингдан ортиқ ўзбекистонлик Буюк Британияга борди

Тошкент, Ўзбекистон (UzDaily.uz) — 2026 йил январ ойида 1,1 мингдан ортиқ Ўзбекистон фуқароси Буюк Британияга ташриф буюрди, деб хабар бермоқда Миллий статистика қўмитаси.

Идора маълумотларига кўра, йилнинг дастлабки 31 куни давомида мамлакатга 1 126 нафар ўзбекистонлик борган бўлиб, бу 2025 йилнинг шу даврига нисбатан 15,5 фоизга кўпдир.

Сафарларнинг асосий қисми туристик мақсадда амалга оширилган — 821 нафар фуқаро Буюк Британияга саёҳат қилиш учун йўл олган.

193 нафар фуқаро ўқиш мақсадида ташриф буюрган бўлса, 92 киши қариндошларини кўриш учун борган, хизмат сафари ва иш юзасидан сафарлар эса 20 нафарни ташкил этган.

Сафарлар сонининг ошиши 2026 йил бошида Ўзбекистон фуқаролари орасида Буюк Британиянинг туристик ва таълим имкониятларига қизиқиш ортиб бораётганини акс эттиради.