Хосе Мария Мендес Ўзбекистон футзал термасига қайтди

Тошкент, Ўзбекистон (UzDaily.uz) — Испаниялик мутахассис Хосе Мария Мендес Ўзбекистон футзал миллий термасининг бош мураббийи этиб тайинланди. У мамлакат Футзал федерацияси билан икки йиллик шартнома имзолади.

Мендес аввал ҳам икки марта терма жамоани бошқарган: 2011–2012 ва 2014–2017 йилларда. Унинг раҳбарлигида жамоа 2014 йилда Осиё чемпионатида бронза медалини, 2016 йилда эса кумуш медалини қўлга киритган.

52 ёшли Мендес «Мелилья», «Кафе Канделас Луго», «Валенсия», Хорватиянинг «Оркан» ҳамда «Барсел» клубларига раҳбарлик қилган. 2008–2009 йилларда у Таиланд миллий термасини, 2010 йилда эса Вьетнам термасини бошқарган.

Ўзбекистонда ишлаган даврида Мендес нафақат миллий жамоани бошқарган, балки «Ардус» клубининг мамлакат чемпионлигини қўлга киритишида ҳам ёрдам берган, шунингдек республика ёшлар термасини ташкил этиш ташаббускорларидан бири бўлган.

Кейинги йилларда у Таиландда ишлаб, Осиё кубогида икки карра кумуш медал соҳиби, қитъа турнирининг бронза совриндори, шунингдек клублар ўртасидаги Осиё чемпионати ва Осиё Кубок соҳиблари кубоги ғолиби бўлган.

Ўзбекистон Футзал федерациясида Хосе Мария Мендеснинг қайтиши миллий жамоа тарихида янги саҳифа очиши ва мамлакатнинг Осиё футзалидаги позицияларини янада мустаҳкамлашига ишонч билдирилди.