Хорижий инвесторлар кенгаши 2026 йилга мўлжалланган ривожланиш стратегиясини муҳокама қилди

Тошкент, Ўзбекистон (UzDaily.uz) — 19 ноябрь куни Тошкентда Хорижий инвесторлар Кенгашининг 5-Оралиқ сессияси бўлиб ўтди. Унда Инвестициялар, саноат ва савдо вазири Лазиз Кудратов иштирок этди.

Тадбир унинг раислигида ва Европа тикланиш ва тараққиёт банкининг Марказий Осиё бўйича бошқарувчи директори Анди Аранитасининг модераторлигида ўтказилди.

Сессияда халқаро компаниялар, молия институтлари ва давлат идоралари раҳбарлари қатнашиб, тўсиқларни бартараф этиш, идоралараро ҳамкорликни кучайтириш ва 2026 йил учун устувор йўналишларни белгилаш масалаларини муҳокама қилдилар.

Кенгашнинг саккизта Ишчи гуруҳи томонидан корпоратив қонунчиликни такомиллаштириш, масъулиятли бизнес стандартларини жорий этиш ва капитал жалб қилиш механизмларини ривожлантиришни қамраб олган 40 дан ортиқ ташаббуслар бўйича эришилган натижалар таъкидланди.

Инвесторлар солиқ бошқаруви, ер ажратиш ва энергетика режалаштиришига оид таклифларни билдирди. Муҳокамалар якунида келишувларни тезлаштириш бўйича кейинги қадамлар белгиланди.

2026 йил учун АI, ESG ёндашувлари, инсон капитали, креатив иқтисодиёт ва минтақавий ҳамкорликни ривожлантиришни ўз ичига олган стратегик йўналишлар пакети маъқулланди. Келишувлар баённома билан расмийлаштирилиб, навбатдаги пленар сессиясигача бажариладиган Амалга ошириш режаси асосига айланади.