Хоразмга катта ҳажмли 10 дона электробус олиб келинди

Тошкент, Ўзбекистон (UzDaily.uz) — Ҳудудларда аҳолига кўрсатилаётган транспорт хизматлари сифатини яхшилаш, жамоат транспорти ҳаракат таркибини экологик тоза электробуслар билан янгилаш бўйича лойиҳалар амалга оширилмоқда.

Хусусан, вилоятда йўловчи ташиш фаолияти билан шуғулланувчи “Янгиариқ транс” МЧЖ томонидан Қозоғистон Республикасининг “FalconEuroBus” корхонасида ишлаб чиқарилган “Falcon Murat Adilkhan” русумли 10 дона электробус олиб келинди.

Замонавий электробуслар ҳужжатларини расмийлаштириш ва йўналишга жойлаштириш ишлари якунлангандан сўнг йўловчиларга хизмат кўрсатишни бошлайди.

Бугунги кунда Урганч шаҳрида брутто шартномаси асосида жами 6 та йўналишда “Бунёд йўловчи ташиш” МЧЖ томонидан Хитойнинг Zhongtong Bus Holding Co.,Ltd корхонасида ишлаб чиқарилган 80 дона автобус йўловчиларга хизмат кўрсатиб келмоқда.