Тошкент, Ўзбекистон (UzDaily.uz) — Ўзбекистон Республикаси Инвестициялар, саноат ва савдо вазирлигида Хитойнинг “Xinjiang Qianyuan Kunyu Construction Engineering” компанияси бош директори Хоу Хуэ билан учрашув бўлиб ўтди.

"Xinjiang Qianyuan Kunyu Construction Engineering" 2011 йилда ташкил этилган. Компания электр энергиясини узатиш ва тақсимлаш тизимларини қуриш, қайта тикланадиган энергия манбалари соҳасидаги лойиҳаларпни ишлаб чиқиш, инвестиция киритиш, қуриш ва бошқариш билан шуғулланади.

Томонлар Ўзбекистон ҳудудларидаги сув йўлларида кичик гидроэлектр станциялар каскадларини қуришнинг техник жиҳатлари ва кейинги босқичларини муҳокама қилдилар.

Учрашув якунлари бўйича “Андижон вилояти Қорадарёсида 9 та мини ГEС қуриш” лойиҳасини амалга ошириш бўйича Инвестиция битими имзоланди.