Тошкент, Ўзбекистон (UzDaily.uz) — Туризм қўмитасида Хитойнинг “Loong Air” авиакомпанияси вакиллари Халқаро ишлар бўйича вице-президенти С.Ванг, Халқаро ишлар бўйича директори Н.Чжоу ва Тошкентдаги ваколатхонаси бош директори А.Худайбергенова билан учрашув бўлиб ўтди.

Авиакомпания 2023 йилдан буён Ўзбекистонда муваффақиятли фаолият юритиб, “Тошкент – Cиань”, “Самарқанд – Cиань” ва “Тошкент – Чэнду” йўналишлари бўйича ҳафтасига уч марта тўғридан-тўғри рейсларни амалга ошириб, мамлакатлар ўртасида туризм ва ишбилармонлик алмашинувини ривожлантиришга ҳисса қўшмоқда.

Учрашувда томонлар Ўзбекистон ва Хитой ўртасидаги сайёҳлик ва иқтисодий алоқаларни мустаҳкамлаш йўлида ҳамкорликни кенгайтириш истиқболларини, жумладан парвозлар сонини кўпайтириш ва янги йўналишларни ривожлантириш масалаларини муҳокама қилдилар.