Хитойнинг “Beijing Jinshengyuan New Energy Technology” компанияси «Навоиязот» билан ҳамкорлик имкониятларини ўрганмоқда

Тошкент, Ўзбекистон (UzDaily.uz) — Хитойнинг “Beijing Jinshengyuan New Energy Technology” компанияси вакиллари «Навоиязот»АЖда бўлишди. Хорижлик мутахассислар барпо этилиши кутилаётган ишлатилган симобли катализаторларни тиклаш ва қайта ишлаш лойиҳаси бўйича ўзаро фикр алмашдилар.

Меҳмонлар жамиятда бу йўналишда амалга оширилган ишлар билан яқиндан танишишди.

Корхонанинг масъул вакиллари лойиҳанинг қурилишидан бошлаб уни ишга туширишгача бўлган даврда хитойлик мутахассислар билан маълумот ва тажриба алмашинувида амалий кўмак кўрсатишга тайёр эканликларини билдиришди.