Тошкент, Ўзбекистон (UzDaily.uz) — Россиялик маркетплейс Wildberries Ўзбекистонда янги саралаш марказини очгани ҳақида компаниянинг пресс-релизида маълум қилинди.

Марказ, Тошкент шаҳридаги «Фарғона йули» 13/11 манзилида жойлашган бўлиб, бу товарларни бош шаҳар бўйлаб етказиб беришни сезиларли даражада тезлаштиради ва уларни 12 соат ичида қабул қилиш имконини яратади.

Cаралаш маркази кунига 100 минггача товарни қайта ишлаш имконига эга бўлиб, бу логистика жараёнларини яхшилаш ва етказиб бериш тезлигини оширишга ёрдам беради.

«Бу, ҳамкорларимизнинг келажагига қаратилган инвестициядир. Эндиликда Ўзбекистондаги селлерлар товарларни харидорларга тезроқ етказиб бера олади ва ўз бизнесларини кенгайтириш имконига эга бўлади», — деди Wildberries’нинг Ўзбекистондаги саралаш марказлари раҳбари Артём Кузин.