Вояга етмаган шахслар учун жиноий жавобгарлик либераллаштирилди

Тошкент, Ўзбекистон (UzDaily.uz) — Ўзбекистон Республикасининг ЎРҚ–1092-сонли Қонуни (2025 йил 23 октябрь) билан “Жиноят кодекси”га қўшимча ва ўзгартишлар киритилди.

Янги тартибга мувофиқ, ўн саккиз ёшга тўлгунга қадар жиноят содир этган шахс тайинланган жазони тўлиқ ўтаб бўлганидан сўнг судланмаган деб ҳисобланади.

Бироқ, бу қоида ўта оғир жиноятлар ёки жазони ўтаб бўлганидан сўнг ўн саккиз ёшга тўлгунга қадар қасддан янги жиноят содир этган ҳолатларга тааллуқли эмас.

Шунингдек, вояга етмаганларга нисбатан озодликни чеклаш ва озодликдан маҳрум қилиш жазоларининг энг кам муддати олти ойдан бир ойгача қисқартирилди.