Uzum ва DataVolt АКТ ҳафталигида ҳамкорлик меморандумини имзолади

Тошкент, Ўзбекистон (UzDaily.uz) — ICT Week доирасида бутун дунё бўйлаб энг замонавий маълумотлар марказларини қураётган DataVolt компанияси билан ҳамкорлик меморандуми имзоланди.

Uzum Ўзбекистонда ўзининг IТ инфратузилмасини фаол ривожлантирмоқда ва ҳамкорлик туфайли хизматларни янада кенгайтириш учун қўшимча қувватларга эга бўлади.

Маҳаллий рақамли инфратузилмани ривожлантириш Ўзбекистон иқтисодиётини рақамлаштиришни жадаллаштириш ва мамлакатимизнинг минтақавий IТ-хаб сифатидаги мавқеини мустаҳкамлашнинг калитидир. Бизни DataVolt билан нафақат мамлакат салоҳиятига бўлган ишонч, балки ушбу салоҳият учун зарур бўлган пойдеворга сармоя киритишга тайёрлик бирлаштиради: одамлар, «темир», хизматлар, — дейди Uzum экотизими асосчиси ва бош директори Джасур Джумаев.

Uzum билан ҳамкорлигимиз DataVolt компаниясининг Ўзбекистонда рақамли трансформацияни таъминлаш борасидаги фаолиятида муҳим босқич ҳисобланади. Uzum'нинг бозордаги етакчилигини ДатаВолт компаниясининг барқарор рақамли инфратузилма соҳасидаги тажрибаси билан бирлаштириб, биз мамлакатда жаҳон даражасидаги булутли ва сунъий интеллектни яратишга замин яратамиз, — DataVolt компаниясининг бош вице-президенти Анил Вижаячандран.