Uzbekistan Airways беш йиллик танаффусдан сўнг Тюменьга рейсларни тиклади

Тошкент, Ўзбекистон (UzDaily.uz) — Uzbekistan Airways авиакомпанияси беш йилдан кейин Тюмень шаҳридаги Рощино аэропортига парвозларни қайта йўлга қўйди.

Аэропорт матбуот хизмати маълумотига кўра, Тошкент — Тюмень йўналиши бўйича парвозлар ҳафтанинг ҳар куни амалга оширилади.

Аэропорт сайтида қайд этилишича, парвоз вақти тахминан 2 соат 35 дақиқани ташкил этади.

Рейсларнинг тикланиши орқали йўловчилар Тошкент ва Тюмень ўртасида тўғридан-тўғри авиақатновдан фойдаланиш имкониятига эга бўлади ҳамда Ўзбекистон билан Россия ўртасидаги ҳаво йўналишлари янада кенгаяди.