Uzbekistan Airways 30 мартдан Тошкент — Атиров йўналишида тўғридан-тўғри рейсларни йўлга қўяди

Тошкент, Ўзбекистон (UzDaily.uz) — Uzbekistan Airways авиакомпанияси Тошкент ва Атиров ўртасида янги мунтазам авиайўналиш очилишини маълум қилди.

Рейслар 30 мартдан бошлаб амалга оширилади: душанба кунлари кундузги вақтда, жума кунлари эса кечқурун. Янги йўналиш бўйича авиачипта нархи 1 962 000 сўмдан бошланади.

Атиров — Урал дарёси соҳилида жойлашган замонавий шаҳар бўлиб, Қозоғистоннинг асосий ишбилармонлик марказларидан бири ҳисобланади.

Ушбу йўналишнинг очилиши ҳар икки мамлакат йўловчилари учун ишбилармонлик ва сайёҳлик имкониятларини кенгайтиради ҳамда Ўзбекистон пойтахти билан Қозоғистоннинг муҳим иқтисодий маркази ўртасида қулай авиақатновни таъминлайди.