UzAuto Motors янгиланган Chevrolet Cobalt 2025 ни тақдим этди

Тошкент, Ўзбекистон (UzDaily.uz) — UzAuto Motors Chevrolet Uzbekistan’нинг расмий Telegram-канали орқали Chevrolet Cobalt 2025 йилги янгиланган версиясини ишлаб чиқаришни эълон қилди.

«Cobalt 2025: орзуларингиз шакл касб этадиган паллада! Биз мижозларимизнинг истакларини инобатга олдик ва уларнинг кутганларига тўлиқ жавоб берадиган автомобил яратдик. Cobalt 2025 ни қарши олинг — унда сизга керакли барча имкониятлар ва ҳатто ундан ҳам ортиқ нарсалар мавжуд», — дейилади хабарда.

Модель янгиланган интерьерга эга бўлди: Tracker 1 услубидаги приборлар панели, двигатель ҳарорати датчиги, Apple CarPlay ва Android Auto’ни қўллаб-қувватлайдиган MyLink мультимедиа тизими, круиз-назорат, мультимедиа бошқарувини рульдан идора қилиш имконияти ҳамда олд ўриндиқларни иситиш функцияси.

UzAuto Motors бош директори Янош Ковач таъкидлашича, компания яқин вақт ичида яна саккизта янги автомодельни тақдим этишни режалаштирган. Бу ҳақдаги баёнот Тошкентда бўлиб ўтган Chevrolet Tahoe High Country йўлтанламаси тақдимоти доирасида қилинди.