Тошкент, Ўзбекистон (UzDaily.uz) — 26 февраль куни Инвестициялар, саноат ва савдо вазири ўринбосари Илзат Касимов Урумчи Савдо-саноат палатаси раиси Янг Хунмей бошчилигидаги делегация билан учрашди.

Музокаралар чоғида энергетика, автомобилсозлик, шаҳарсозлик, туризм соҳаларида ҳамкорликни кенгайтириш ва қўшма лойиҳаларни амалга ошириш масалалари, хусусан, илғор технологиялардан фойдаланган ҳолда ишлаб чиқариш корхоналарини жойлаштириш учун қўшма технопарк ташкил этиш истиқболлари муҳокама қилинди.

Бу жараёнга Хитойнинг қатор инновацион компаниялари – кичик ва ўрта бизнес вакилларини жалб этиш бўйича келишувга эришилди.

Урумчи Савдо-саноат палатаси савдо, тиббиёт, маданият, таълим, туризм, тоғ-кон саноати, озиқ-овқат маҳсулотлари ишлаб чиқариш ва инфратузилмавий ривожланиш соҳаларидаги 49 компанияни ўз ичига олади. Palata SUAR ва Хитой вилоятларидаги компанияларга хорижий давлатлар билан ҳамкорликни йўлга қўйишда амалий ёрдам кўрсатиш мақсадида ташкил этилган.