Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Туркиянинг Ўзбекистондаги янги элчиси Уфуқ Улташдан ишонч ёрлиқларининг нусхасини қабул қилди.

Учрашув давомида Тошкент ва Анқара икки томонлама ҳамкорликни фаол давом эттираётгани ҳамда минтақавий шерикликни кенгайтириш йўналишида ҳамкорлик қилиши таъкидланди.

"Биз олиб бораётган қўшма саъй-ҳаракатлар икки давлатнинг равнақи ва тараққиётига хизмат қилади", — деди Бахтиёр Саидов, ўзбек-турк муносабатлари янада мустаҳкамланишига ишонч билдириб.

Ташқи ишлар вазири Уфуқ Улташни янги лавозим билан қутлади ва унинг дипломатик фаолиятига омад тилади.

Янги элчи 2025 йил феврал ойида фаолиятини якунлаган Олған Бекарни алмаштирди.