Тошкент, Ўзбекистон (UzDaily.uz) — Жорий йил май ойида Уфада Ўзбекистоннинг Наманган вилояти савдо уйини очиш режалаштирилган. Бу ҳақда Башқиристон Республикаси саноат, энергетика ва инновациялар вазири Александр Шельдяев ҳудуд ҳукуматидаги тезкор йиғилишда маълум қилди.

Савдо уйини жойлаштириш учун «Мега» савдо марказида  600 квадрат метрлик жой танланган.

Бутикда тўқимачилик саноати маҳсулотлари, жумладан, ишбилармонлик костюмлари, кўйлаклар, пальтолар ва уй учун маҳсулотлар тақдим этилади.

Александр Шельдяевнинг таъкидлашича, ушбу лойиҳа савдо-иқтисодий ҳамкорликни ривожлантириш ва ўзбек маҳсулотларининг Башқиристон бозоридаги иштирокини кенгайтиришга қаратилган.