Трамп Мадурони қўлга олиш ва Венесуэладан чиқариб юборишни эълон қилди

Тошкент, Ўзбекистон (UzDaily.uz) — АҚШ Президенти Дональд Трамп Венесуэла раҳбари Николас Мадуро турмуш ўртоғи билан бирга қўлга олиниб, мамлакатдан олиб чиқилганини маълум қилди.

«Президент Николас Мадуро ва унинг рафиқаси қўлга олинди ва мамлакатдан олиб чиқилди», — деб ёзди Трамп Truth Social ижтимоий тармоғида.

Америка оммавий ахборот воситалари хабар беришича, операцияда АҚШ Қуролли кучларининг терроризмга қарши курашиш ва махфий вазифаларни бажаришга ихтисослашган элита махсус бўлинмаси — Delta Force иштирок этган.

Телеканал эслатишича, ушбу тузилма жангчилари 2019 йилда ўтказилган операция давомида «Ислом давлати» террорчилик гуруҳи (ИГ, Россияда тақиқланган) раҳбари Абу Бакр ал-Багдодийни ўлдирган.

Ўз навбатида, АҚШ давлат котибининг биринчи ўринбосари Кристофер Ландау Николас Мадуро адолат олдида жавоб беришини маълум қилди. У тегишли хабарни X ижтимоий тармоғида эълон қилди.

«Венесуэла учун янги тонг. Зулмкор кетди. Энди у, ниҳоят, ўз жиноятлари учун жавоб беради», — деб ёзди Ландау.