Тошкент, Ўзбекистон (UzDaily.uz) — Бугун соат 07:39 да Тошкент шаҳар Фавқулодда вазиятлар бошқармасига пойтахтнинг Юнусобод туманидаги Аҳмад Дониш кўчасида жойлашган ишлаб чиқариш корхонаси ҳудудида ёнғин чиққанлиги ҳақида хабар тушган.

Ёнғин-қутқарув гуруҳлари воқеа жойига соат 07:44 да етиб боришди. Фавқулодда вазиятлар вазирлиги ходимларининг тезкор ҳаракатлари натижасида ёнғин соат 08:14 да локаллаштирилди ва 08:51 да тўлиқ бартараф этилди.

Фавқулодда вазиятлар бошқармаси маълумотига кўра, ёнғин натижасида жабрланганлар йўқ.

Ҳозирда ёнғиннинг келиб чиқиш сабаблари ва етказилган моддий зарар миқдори ўрганилмоқда.

Вазият тўлиқ назоратга олинган.